(Madda Oduu ABO/MOA/Onkoloolessa 30,2009) Sirni Wayyaanee naannawa Finfinnee Godina Addaa je’ee tolche irraa lammee Oromoo humnaan buqqisee qondaalotaa fi abbootii qabeenyaa biyyoot alatti gurgurataa akka jiru gafaame.
Haaluma kanaan Dhiha magaalaa Finfinnee irraa kaasee hanga magaalaa Hoolatatti, Kaaban hanga magaalaa Caancotti, Kibbaann Dhihaan hanga maalaa Sabbatatti, akkasumas Kaaban hanga magaalaa Sandaafatti lafoota jiran ummata naannichaa irraa buqqisuun abbootii qabeenya gurguratuu fi dabballoota isaaf raabsuu irratti argama.
Maallaqa abbootin qabeenyaa biyyoota alaa itti dhangalaasanii lafa ummataa saammachaa jiran kanaanis caasa fi humna waraanaa ummata hacuucee bitaa jiru ittiin jabeeffachuuf akka akeekkate odeessi kun ifa godha. Ummanni naanichaa kana hubatee wayyaanee lafa isaa irraa humnaan fi gowwoomsa adda addaan irraa isa buqqisaa jiru dura akka dhaabbatu sabboontonni Oromoo dhaamsa cimaa dabaraa jiru. Sirni wayyaanee Naannoo Finfinnetti lafa hangana bal’attu irraa ummata buqqisuun kun isa duraa fi hamaa dha.
********
Mootummaan wayyaanee qonnaan bultoota Oromoo lafa isaanii irraa buqqisuun dirreetti gatuu itti fufe.
(Madda Oduu ABO/MOA/Onkoloolessa 30,2009)Ummata Oromoof naasuu kan hin qabne mootummaan wayyaanee maqaa sochii investimentii babal’isuu jedhuun qonnaan bultoota Oromoo fedhii fi hayyama isaaniin alatti lafa isaanii irraa buqqisuun dirree irratti gataa jira.
Haaluma kanaan Godina Wallagga Lixaa Aayiro Gullisoo keessaa gandoota qonnaan bultoota Oromoo Kureetii jedhamu diiguun lafa isaaniis investeroota isaatti gurgurachaa jira jechuun maddeen keenya gabaasaniiru. Kaabinootni wayyaanee naannootti argaman qonnaan bultoota kana lafa isaanii irraa buqqisuu keessatti qooda guddaa akka qabanis himameera.
Namootni lafa isaanii irraa buqqifaman yeroo ammaa rakkina ulfaataa keessatti akka argaman barameera.
Haaluma wal fakkaatuun kabinootni wayyaanee magaalaa Aayiraa keessaa manneen ummataa baay’een ulaagaa magaalaa guutuu hin dandeessan ittiin jechuun lafa isaanii investeroota michuu sirnichaa ta’anitti gurgurachaa jiran.
Gama biraan kaabinootumti wayyaanee kun maallaqa lafa ummataa gurguratuun argatan qooddachuu irratti walgahii Onkoloolessa 16,2009 godhataniin akka waldhaban barameera.
.
MOA
|
